అవుతుంది యుగాంతం !

యుగాంతం అవుతుందా ?

అవును ! యుగం అంతం అవుతుంది!

అవునూ !యుగాంతం అవుతుంది.

మయాన్ల లెక్కల ప్రకారమే అవ్వదు యుగాంతం.

మూడనమ్మకాల భుక్కుల చేతుల్లో అవుతుంది యుగాంతం !

ప్రకృతి వైపరిత్యాల వల్లే కాదు యుగాంతం.

వికృత మానవుల అకృత్యాల వల్ల అవుతుంది యుగాంతం !

భూమిలో కృష్ణబిలాలు ఏర్పడే కాదు యుగాంతం.

కడుపులో ఆకలి జ్వాలలు ఎగసి అవుతుంది యుగాంతం!

అయస్కాంత అణువుల్లో మార్పుల వల్లే కాదు యుగాంతం.

అరాచ(జ)కీయ శక్తుల కుట్రల వల్ల అవుతుందీ యుగాంతం !

'నవ'గ్రహాల గతులు తప్పే కాదూ యుగాంతం.

నవనాగరికత శృతి తప్పీ అవుతుంది యుగాంతం !

సముద్రంలో సునామీలు వచ్చే జరగదు యుగాంతం.

మనుషుల్లో మానవత్వం చచ్చీ అవుతుంది యుగాంతం !

అవుతుంది యుగాంతం ! అవుతుంది యుగం అంతం !